ازاي تعمل فيزا فودافون كاش وتعمل بيها اعلان ممول على الفيس

ازاي تعمل فيزا فودافون كاش وتعمل بيها اعلان ممول على الفيس

كتير من الناس دلوقتى بقت بتفتح مشاريعها الصغيرة وبتبيع 

اونلاين وخلاص بقي الانلاين عمال يزيد جدا وكثير عمال يسال ازاى اعمل اعلان ممول على الفيس وتكون الطريقة سهلة وعايزين يوصلو لجمهور كبير بس مش عارفين لسة ازاى الطريقة

1 : عمل فيزا فودافون كاش من خلال تطبيق انا فودافون

هتحمل التطبيق تروح لفرع فودافون قريب منك وتطلب منه ان يشغل خدمة فودافون كاش على موبايلك

هيقوم يشغلك الخدمة 

هتديهم مبلغ مالي معين تشحن بيه مثلا 100 جنيه هيقومو يحطولك في حسابك فى فوافون كاش ال 100 جنيه

خد بالك دى مش في رصيد تليفونك دى في حسابك في فودافون كاااش

بعد ما تشحن رصيدك 

هتفتح تطبيق انا فودافون بس لازم تكون مشغل موبايل داتا عشان يشتغل برقم تليفونك

هتختار من التطبيق فودافون كاش وبعدين اختار الدفع اونلاين

هتظهرلك شاشة هتكتب فيها المبلغ اللي عايز تعمله فيزا وتكتب في الخانه التانيه الرقم السري الخاص بفودافون كاش مش حاجة تانية

وبعدين تضغط على تاكيد

هتطلع لك فيزا بنفس شكل الفيزا ونوعها ماستر كاردmastercard 

هيكون مكتوب فيها رقم الفيزا وتاريخ الانتهاء والرقم السري

هتحط البيانات دى في المكان المخصص ليها في اعلان الفيس الممول 

الفيزا دى بتستخدم مرة واحدة بس وبيتخصم منك 5 جنيه كل مرة 

يعني لو بتعمل فيزا ب 5000 جنيه  او عملتها بخمسين جنيه هيتخصم خمسة جنيه كل مرة
(الخطوات اللي فاتت ممكن تعملها لو عايز تعمل فيزا تشتري بيها من اي موقع على النت وبيكون امان تام ومفيش قلق منها ابدااا عشان البيانات بتاعتها بتخلص بعد عمل العملية الشرائية بتستخدم مرة واحدة مينفعش تستخدم وبتنتهي صلاحيتها في 24 ساع بس)

2: عشان نحط بيانات الفيزا في اعلانات الفيس الممولة هتفتح صفحة انت ادمن فيها هتضغط على كلمة promote

وتختار اعلان لصفحة او بوست مش هتعمل اعلان انت بس هتستخدمه عشان تحط فلوس بموبايلك باسهل طريقة

هختار add money to account

هتحط البيانات السابقة (اللي هي mastercard 

 رقم الفيزا وتاريخ الانتهاء والرقم السري) في الكارت وتشحنه

وتبدا في مشوارك الجميل لعمل اعلانك الممول علي الفيس اتمنى ان تنجح مشاريعكم وتكبر وتكون احسن ان شاااء الله ربنا يوفق الجميع ويرزقنا


وده فيديو شرح عملي للخطوات بالضبط
عشان تعمل فيزا بفودافون كاش وتحط فلوس لعمل اعلان ممول