ان الحياة لعبة زي الكاندي كرش
ليك فيها عدد خطوات محدد
لما بتركز عالعقبات وانك عايز تخلص منها ممكن تخلص وممكن تخسر وترجع تعيد الدور
لكن لو ركزت علي انك تعمل انجازات اكتر زي البومبونابة والقنبله والمخططة
لو ركزت تكونهم هتكسب
وكمان انت ممكن تكسب بعدد خطوات اقل
وكمان انت ممكن تبقي فيه قدامك حلول ومخارج لكل التحديات في حياتك بس انت مش شايفها وهي قدامك
يعني بيكون ممكن تعمل قنبله ومخططة وبومبونايه وسمكة بس انت مش شايفهم
وعمال تمشي بخطوات صغيرة ٣في ٣ فطبعا مش دايما هتكسب
وفيه اوقات بتيجي من عند ربنا ان ييجيلك منح زي القنبله ووالمخططة ووو
ممكن عشان انت سعيت تجيبهم
لكن ممكن تفشل فربنا يعوضك ويجيبلك قنبله تخليك تعدي المرحلة
وكمان كل ما بتعدي تحديات المرحله بتترقي للمرحله الاكبر والاعلي وفي الغالب بتكون تحدياتها اقوي
ولما بتخلص عدد المرات والفرص اللي ليك دورك بينتهي وتموت وترجع تاني بعدها بشويه تاخد فرص تانية وتدخل تحديات تانية
طول مانت مش بتعدي الليفيل اللي انت فيه مش هتعلي
وهتفضل تكرر نفس اخطاءك وهتفضل في نفس الليفيل
لحد ما تتطور وتعرف تكتشف الطريقة للخروج من المرحلة دي
سبحان الله
الحياة لعبة
الحياة لعب ولهو