مواصلة واحدة من الشيخ زايد او أكتوبر لمعرض الكتاب على طول وفي اقل من ساعة

لاني من سكان الشيخ زايد فضلت ادور كتير ازاي اروح معرض الكتاب ٢٠٢٠ في التجمع الخامس ارض المعارض

فلقيت طبعا فيه كذا طريقة منها اني اروح موقف عبد المنعم رياض او رمسيس واركب من هناك للمعرض

لكن الأجمل بقى في  طريقة تانية تروح بيها المعرض بمواصلة واحد من أكتوبر او من هايبر زايد يوصلك لباب المعرض 

والأجمل انك هتوصل اسرع

هتاخد تذكرة للمعرض بدل ما تفضل واقف طيور عشان تدفع لتذكرة الدخول

وكمااااان خصم ٥٠ ٪ يعني مميزات اكتر من رائعة

يعني هتدفع تقريبا بس ٢٠ جنيه وتوصل للمعرض

لان التذكرة ب ٤٦ تقريبا والخصم قول هتبقى ب٢٣

وكمان هتاخد تذكرة دخول يعني ١٨ جنيه 

اييييه الجمال ده

هقولك بقى ازاي عشان انا دوخت على ما فهمتهم

هتروح بمواصلة اسمها باصييت

الأول نزل الابليكشن على موبايلك

واختار من هايبر الي معرض الكتاب

واحجز عدد الكراسي اللي انت عايزه

بس هم ليهم اوقات محددة

وممكن كمان تحجز الرجوع 

يعني هتبقى ضامن رحلة الذهاب والعودة ومواعيد عارفها

بص بقى اهم حاجة

هتكتب 

فى نقطه الركوب

 Hyper One-26th of July Corridor

وفى نقطه النزول 

Egypt International Exhibition Center-Book Fair

وقبل تاكيد الحجز بتكتب 

البروموكود الخاص بالمعرض 

bookfair50 

علشان تحصل على خصم 50% على سعر الرحله

والبرموكود صالح فى رحلات الذهاب والعوده

موعد انتهاء معرض الكتاب ٤ فبراير ٢٠٢٠