لو انت تايه ومش عارف تعمل ايه

من اكتر الحاجات اللي لا زم نحسها ونعرفها قوووي

ان اي حاجة كويسة بنعملها مش شطارة مننا ده توفيق كبير من عند ربنا هو اللي وفقنا وعملنا الخير

يعني لما نبعد عن ذنب ده بجد بيكون توفيق 

من عند ربنا بجد والله مش بشطارتنا ولاعشان احنا بقي ايييه بقي اقويا وكويسين

احنا بقينا اقويا بالله بقينا احسن لما استعنا بالله ودعيناه من قلبنا ان نخلص من الذنب ده

فلو  اي حد فينا بيعمل ذنب وعايز يبعد عنه 

اول خطوة واهم خطوة هو ان نستعين بربنا قوي نستشعر معيته بجد

نحس انه قريب مننا ونقوله من كل قلبنا يااارب 

يااارب اهديني اعمل ايه 

يااارب انا تايه مش عارف الصح ايه

وطبعا نركز احنا عايزين ايه

مش احنا مش عايزين ايه

يعني نقول يارب ابقي طائع وكويس

مش اقول يارب اخلص من الذنب

ده اسمه قانون الجذب

المهم يعني والاهم اللي قصدي اقوله اركز علي الاستعانه بالله من كل قلبي وبكل جوارحي واستشعرها قوووي 

ماليش غيرك يارب

واطلبها من ربنا اقوله يارب اهدينا للطريق الصح

وبعدها يبقي عندي ثقة قوية جدا وحسن ظن بالله ان هو بالفعل اللي هينورلي طريق وهييسر الامور وهلاقي نفسي بقيت انسان صالح زي ما دعيته

لما اقول كلا ان معي ربي سيهدين

اذن لن يضيعنا

دي شعارات

من ذهب

علينا نحفظها  علي ضهر قلب